वजिराबाद पोलीसांनी 389 दारुच्या बॉटल्या पकडल्या

नांदेड(प्रतिनिधी)-दिलीपसिंघ कॉलनी वजिराबाद येथे वजिराबाद पोलीसांनी एका कुटूंबातील तीन जणांना पकडून 389 दारुच्या बॉटल्या पकडल्या आहेत. ही मंडळी परवानगी नसतांना दारु विक्री करत होती.
28 ऑगस्ट रोजी वजिराबादचे पोलीस निरिक्षक जगदीश भंडरवार, पोलीस उपनिरिक्षक प्रविण आगलावे, पोलीस अंमलदार गोविंद देवकत्ते, कंधारे, छत्रकर, अमोल दुधभाते, गणपती केंद्रे, संतोष बनसोडे हे गोवर्धनघाट पुलावर नाका बंदीची कार्यवाही करत असतांना त्यांना मिळालेल्या गुप्त माहितीच्या आधारे त्यांनी दिलीपसिंघ कॉलनी येथील राजेश देवमनलाल यादव (50), ओमकार मुन्नालाल यादव (35), संजय मुन्नालाल यादव (30) यांच्या दोन ठिकाणी छापे मारले त्यात एकूण देशी दारुच्या बॉटल्या 340, विदेशी दारुच्या बॉटल्या 39 अशा एकूण 389 दारुच्या बॉटल्या पकडल्या. या दारुची किंमत 21 हजार 100  रुपये आहे. सोबतच 22 हजार रुपये किंमतीची एक दुचाकी गाडी जप्त करण्यात आली. प्रविण आगलावे यांच्या तक्रारीवरुन बेकायदेशीररित्या दारु विक्रीचे दोन गुन्हे दाखल करण्यात आले आहेत.