कोरोना समाप्तीकडे; नवीन रुग्ण 11; सुट्टी 26 जणांना; 1 मृत्यू; गंभीर रुग्ण 04

नांदेड,(प्रतिनिधी)- आज कोरोना विषाणूने एकूण 11 नवीन कोरोना बाधीत रुग्ण दिले आहेत. आज उपचार घेणाऱ्या रुग्णांची संख्या 122 आहे.कोरोना बाधेतून मुक्त होण्याची टक्केवारी 97.26 झाली आहे.
जिल्हा शल्यचिकित्सक यांच्या स्वाक्षरीने निर्गमित करण्यात आलेल्या माहिती नुसार आज दि.19 फेबु्रवारी रोजी कोरोना बाधेने एका रुग्णाचा मृत्यू झाला आहे. तुपशेलवाडी ता.देगलूर पुरूष (वय 44) असे मरण पावणाऱ्या कोरोना रुग्णाचे तपशील आहे. त्यामुळे नांदेड जिल्ह्यातील कोरोना बाधेने मरण पावणाऱ्या रुग्णांची संख्या 2689 झाली आहे. आज 11 नवीन कोरोना रुग्ण सापडले आहेत.
नांदेड मनपा विलगिकरणातून-20, तालुक्यातील गृह विलगीकरण-04,खाजगी रुग्णालय -02 अश्या 26 रुग्णांना उपचारा नंतर सुट्टी देण्यात आली आहे.त्यामुळे आजपर्यंत उपचार घेवून बरे झालेल्या रुग्णांची संख्या 99927 झाली आहे. उपचाराने चांगले झालेल्या रुग्णांचे प्रमाण 97.26 टक्के आहे.
आज सापडलेले कोरोना रुग्ण नांदेड मनपा-05, मुखेड-बिलोली-01, परभणी-01, हिंगोली-03, माहूर-01 असे आहेत.
आज 799 अहवालांमध्ये 760 निगेटिव्ह आणि 11 पॉसिटीव्ह आहेत.त्यामुळे एकूण रुग्ण संख्या 102737 झाली आहे.आरटीपीसीआर तपासणीत 07 आणि 04 अँटीजेन तपासणीत असे एकूण 11 रुग्ण नवीन सापडले आहेत. आज स्वॅब तपासणी 00 अहवाल प्रलंबित आहेत. आज नाकारण्यात आलेले स्वॅब 28 आहेत. आज अनिर्णीत राहिलेले स्वॅब 00 आहेत.
आज कोरोनाचे 122 ऍक्टीव्ह रुग्ण ज्यांच्यावर नांदेड मनपा अंतर्गत गृहविलगिकरण-103, नांदेड जिल्हाच्या तालुक्यातील विलगीकरण-10,सरकारी रुग्णालय -06, खाजगी रुग्णालयात- 03, असे उपचार सुरू आहेत यात अती गंभीर स्वरुपात 04 रुग्ण आहेत.