नांदेड(प्रतिनिधी)-पोलीस अधिक्षक कार्यालयात महात्मा बसवेश्र्वरजी जयंती साजरी करण्यात आली. पोलीस अधिक्षक प्रमोद शेवाळे आणि त्यांच्या सहकाऱ्यांनी जगतज्योती महात्मा बसवेश्र्वर यांच्या प्रतिमेस पुष्पहार अर्पण करून अभिवादन केले.
आज अक्षय तृतीया या दिवशी भारतात अनेक घटना घडल्या. त्या ऐतिहासिक घटनांमध्ये जगतज्योती महात्मा बसवेश्र्वरजी यांची जयंती सुध्दा साजरी केली जाते. पोलीस अधिक्षक प्रमोद शेवाळे, गृहपोलीस उपअधिक्षक डॉ.अश्र्विनी जगताप, स्थानिक गुन्हा शाखेचे पोलीस निरिक्षक द्वारकादास चिखलीकर यांच्या प्रमुख उपस्थितीत महात्मा बसवेश्र्वरजी यांच्या प्रतिमेला पुष्पहार अर्पण करून उपस्थितांनी अभिवादन केले. जनसंपर्क अधिकारी, सहाय्यक पोलीस निरिक्षक शिवाजी लष्करे, पोलीस अधिक्षक कार्यालयातील सर्वच शाखांमधील पोलीस अधिकारी व पोलीस अंमलदार तसेच मंत्रालयीन अधिकारी आणि कर्मचारी यांनी सुध्दा महात्मा बसवेश्र्वरजींना आपली श्रध्दासुमने अर्पण केली. या कार्यक्रमाचे आयोजन सहाय्यक पोलीस उपनिरिक्षक उत्तम वाघमारे, सुर्यभान कागणे, पोलीस अंमलदार संजय सांगवीकर, विनोद भंडारे यांनी उत्कृष्टरित्या केले.
पोलीस अधिक्षक कार्यालयात महात्मा बसवेश्र्वरजी जयंती साजरी
