मयत झालेल्या महिलेच्या जागी बनावट महिला उभी करून भुखंड लाटला

नांदेडा(प्रतिनिधी)-मरण पावलेल्या एका महिलेच्या जागी दुसरी बनावट स्त्री उभी करून मयत झालेल्या महिलेचा भुखंड विक्री करणाऱ्या दहा जणांविरुध्द न्यायालयाच्या आदेशानंतर भाग्यनगर पोलीसांनी गुन्हा दाखल केला आहे.
एकनाथ वसंतराव बडगुजर रा.धुळे यांनी न्यायालयात दिलेल्या तक्रारीनुसार 11 डिसेंबर 2020 रोजी, 22 जानेवारी 2021 रोजी आणि 8 जून 2021 रोजी दहा जणांनी मिळून लता एकनाथ बडगुजर या जिवंत नसतांना त्यांचा भूखंड क्रमांक 30 बनावट स्त्री उभी करून विक्री खंत क्रमांक 836/2020 आणि 835/2021 नुसार विक्री केला. हा सर्व प्रकार करण्यामध्ये धीरज बाळू वाघमारे (35) रा.कल्याणनगर तरोडा नांदेड, विवेक विठ्ठलराव एंगडे (28) रा.सादोळा ता.जि.बीड, राधिका रुपेश साखरे (24) रा.आलेगाव ता.पुर्णा जि.परभणी, दामोधर प्रकाश वानखेडे (35) रा.मेंढला ता.अर्धापूर , सुमन व्यंकट काकरे (49) रा.पावडेवाडी नांदेड, व्यंकटराव मारोती नरवाडे (46) रा.माणिकनगर नांदेड, रामा व्यंकट काकरे (37) रा.पावडेवाडी नांदेड, देविदास भुमन्ना बंडेवार (56) रा.फरांदेनगर नांदेड, मनिषा बापूराव अन्नमवार (49) रा.नांदेड, रामा व्यंकट काकरे (37) रा.पावडेवाडी नांदेड अशा 10 जणांनी मिळून हा घोटाळा केला आहे. त्यातील सहा जणांच्या नावासमोर साक्षीदार असे लिहिलेले आहे. भाग्यनगर पोलीसांनी हा गुन्हा क्रमांक 182/2022 दाखल केला असून पोलीस निरिक्षक सुधाकर आडे यांच्या मार्गदर्शनात पोलीस उपनिरिक्षक प्रशांत जाधव अधिक तपास करीत आहेत.