नांदेड जिल्हा बालकल्याण समितीच्या अध्यक्षपदी ऍड. कदम्ब

सदस्यपदी डॉ.सत्यभामा जाधव, किशोर नावंदे, ऍड. रेखा तोरणेकर आणि संगीता कांबळे
नांदेड(प्रतिनिधी)-महाराष्ट्र राज्याच्या महिला व बालविकास विभागाने एका अधिसुचनेनुसार नांदेड जिल्ह्यात बाल कल्याण समितीच्या अध्यक्षपदी ऍड. राजवंतसिंघ कदम्ब यांची नियुक्ती पुढील तीन वर्षासाठी केली आहे. सोबतच इतर तीन महिला आणि एक पुरूष अशा चार जणांची बाल कल्याण समिती नांदेड जिल्ह्यावर नियुक्ती करण्यात आली आहे.
राज्य शासनाच्या महिला व बालविकास विभागाने 2 जून 2022 रोजी जारी केलेल्या अधिसुचनेनुसार बालकल्याण समिती नांदेड ज्या समितीचे व्यवसायीक कार्यक्षेत्र संपुर्ण नांदेड जिल्हा आहे. या समितीवर अध्यक्षपदी ऍड. राजवंतसिंघ सुरेंद्रसिंघ कदम्ब यांची नियुक्ती करण्यात आली आहे. सोबतच डॉ.सत्यभामा विलास जाधव, किशोर नागोराव नावंदे, ऍड. रेखा वैजनाथ तोरणेकर आणि संगीता रामेश्र्वर कांबळे या चार जणांची नियुक्ती बालकल्याण समिती नांदेडच्या सदस्य पदावर करण्यात आली आहे. या सर्व पदाधिकाऱ्यांचा कार्यकाळ 2 जून 2022 पासून पुढील तीन वर्ष असणार आहे. या अधिसुचनेवर शासनाचे सहसचिव श.ल.अहिरे यांची स्वाक्षरी आहे.