आत्महत्या प्रकरणात पत्नीसह चार जणांवर गुन्हा दाखल

नांदेड(प्रतिनिधी)-एका 29 वर्षीय व्यक्तीने आत्महत्या केल्यानंतर त्याच्या पत्नीसह चार जणांवर आत्महत्येस प्रवृत्त केले या सदरात विमानतळ पोलीसांनी गुन्हा दाखल केला आहे.
मिना प्रदिप कुलकर्णी रा.पौर्णिमानगर यांनी दिलेल्या तक्रारीनुसार 17 जून 2022 रोजी पौर्णिमानगर येथे ओंमकार प्रदीप कुलकर्णी (29) यांनी गळफास घेवून आत्महत्या केली. त्यानंतर 20 जून रोजी मिना कुलकर्णी यांनी तक्रार दिली. त्यानुसार महेंद्र मुरलीधर कुलकर्णी, पुजा ओंमकार कुलकर्णी(पुर्वीचे नाव पुजा दिलीप केंद्रे), आशिष दुबे आणि अनिता दिलीप केंद्रे या सर्वांनी गुत्तेदारीच्या व्यवहारातील 4 लाख रुपये देण्यास टाळाटाळ केली. त्यामुळे तो कर्जबाजारी झाला. तसेच इतरांनी त्याच्याविरुध्द गर्भपाताचा गुन्हा दाखल न करण्यासाठी दीड लाख रुपयांची मागणी केली. त्यातील 50 हजार रुपये घेतले आणि 1 लाख रुपये लवकरात लवकर दे म्हणून तगादा लावला. या आर्थिक पिळवणूकीला कंटाळून ओमकार प्रदीप कुलकर्णीने गळफास घेवून आत्महत्या केली आहे. मृत्यूपुर्वी त्याने सर्व आरोपींचे नावे लिहुन त्यांच्यामुळेच आत्महत्या करत असल्याचे चिठ्ठीत लिहिलेले आहे. विमानतळ पोलीसांनी याबाबत गुन्हा क्रमांक 211/2022 भारतीय दंड संहितेच्या कलम 306, 506, 34 नुसार गुन्हा दाखल केला असून पोलीस निरिक्षक अनिरुध्द काकडे यांच्या मार्गदर्शनात पोलीस निरिक्षक जाधव अधिक तपास करीत आहेत.