नांदेड(प्रतिनिधी)-भारत स्वातंत्र्याच्या अमृतमहोत्सवादरम्यान अभिवक्तासंघ नांदेडनेपण हर घर तिरंगा या मोहिमेत सहभाग घेत आज अनेकांना राष्ट्रीय ध्वजाचे वाटप केले.
स्वातंत्र्याच्या अमृतमहोत्सवात सहभागी होतांना अभिवक्ता संघ नांदेडने आज दुपारी न्यायालय परिसराच्या मैदानात अनेकांना तिरंगा राष्ट्रीय ध्वजाचे वाटप केले. अभिवक्ता संघाचे अध्यक्ष माधव पुंड यांच्या नेतृत्वात झालेल्या या कार्यक्रमात वकील संघाचे ज्येष्ठ सदस्य ऍड.आर.जी.परळकर व इतर सदस्यांच्या हस्ते अनेकांना तिरंगा ध्वजाचे वाटप करण्यात आले. भारतीय स्वातंत्र्य, न्याय व्यवस्था व शांतता अबादीत ठेवण्यासाठी वकील संघाने नेहमीच सक्रीय सहभाग नोंदवला आहे आणि अशा कामांसाठी आम्ही सदैव तत्पर राहु अशी शपथ या कार्यक्रमात वकील बंधू व महिला वकील भगिनींनी घेतली.
