ऍटोत विसरलेला मोबाईल प्रवाशाला परत

नांदेड(प्रतिनिधी)-28 सप्टेंबर रोजी ऍटोत एका प्रवाशाचा विसरलेला मोबाईल ऍटो रिक्षा संघटनेने पोलीस उपनिरिक्षक शेख असद यांच्या हस्ते परत दिला.
मुळ झारखंड राज्यातील राहणारे आणि सध्या धनेगाव येथे राहणारे नबीन मुबारक हे ऍटो रिक्षा क्रमांक एम.एच.26 एन.6061 मध्ये आपला मोबाईल विसरले आणि प्रवास संपल्यावर निघून गेले. आपल्या ऍटोत प्रवाशाचा मोबाईल सापडल्याची माहिती शेख शाकेर शेख लाला या रिक्षा चालकाने टायगर ऍटो रिक्षा संघटनेचे अध्यक्ष अहेमद (बाबा) यांना दिली. त्यानंतर पोलीस उपनिरिक्षक शेख असद, शेख बाबा, रिक्षा चालक शेख शाकेर शेख अबरार, शेख गफार शेख अनवर यांनी प्रवाशी नबीन मुबारक यांना तो ऍटोत विसलेला मोबाईल परत केला. प्रवाशी नबीन मुबारक यांनी सर्वांना धन्यवाद दिले आहे.