नांदेड,(प्रतिनिधी)- सेवानिवृत्त अपर जिल्हाधिकारी तथा मनपा नांदेडचे अपर आयुक्त राम गगराणी यांच्या पुत्राला अतिरिक्त सत्र न्यायाधीश यांनी दोन दिवस पोलीस कोठडी वाढवून दिली आहे.आता आई-वडील आणि पुत्र यांना एकदाच ९ नोव्हेंबर रोजी न्यायालयात हजर केले जाणार आहे.
दिनांक ४ नोव्हेंबर २०२२ रोजी आपल्या ज्ञात उत्पन्न स्रोतांपेक्षा ४५ टक्के जास्त अपसंपादा बाळगणाऱ्या रामनारायण गगराणी,त्यांच्या पत्नी जयश्री रामनारायण गगरांणी आणि पुत्र प्रथमेश गगराणी विरुद्ध गुन्हा दाखल झाला होता.त्याच दिवशी प्रथमेशला लाच लुचपत प्रतिबंधक विभागाच्या पोलिसांनी अटक करून न्यायालयात हजर केले.न्यायालयाने प्रथमेशला ७ नोव्हेंबर २०२२ पर्यंत पोलीस कोठडीत पाठवले होते.पुढे दिनांक ५ नोव्हेंबर २०२२ रोजी रामनारायण गगराणी आणि जयश्री गगराणी यांना न्यायालयाने ९ नोव्हेम्बर २०२२ पर्यंत पोलीस कोठडीत पाठवले होते.
काल दिनांक ७ नोव्हेंबर २०२२ रोजी प्रथमेशची पोलीस कोठडी संपल्यानंतर पुन्हा न्यायालयात हजर करून लाच लुचपत प्रतिबंधक विभागाने तपासासाठी वाढीव पोलीस कोठडीची मागणी केली.जिल्हा सरकारी अभियोक्ता ऍड.रणजित देशमुख यांनी तपास कसा कठीण आहे,त्यासाठी वाढीव पोलीस कोठडीची आवश्यकता असल्याचे मुद्दे न्यायालय समक्ष सादर केले.आरोपी प्रथमेश गगराणीच्या वतीने ऍड.मनीष रामेश्वर शर्मा (खांडील) आणि ऍड अमित डोईफोडे यांनी पोलीस कोठडी वाढवून न देण्यासाठीच युक्तिवाद अमान्य करून न्यायालयाने प्रथमेश रामनारायण गगराणीची पोलीस कोठडी २ दिवस वाढवून दिली आहे.आता आई वडील आणि पुत्र तिघांना ९ नोव्हेंबर २०२२ रोजी न्यायालयात एकत्रित हजर केले जाणार आहे.
