नांदेड(प्रतिनिधी)-आज 1 डिसेंबर रोजी ऍटोमध्ये प्रवास करतांना विसलेला 12 हजार रुपये किंमतीचा मोबाईल टायगर ऍटो रिक्षा संघटनेचे सदस्य यांनी वाहतुक शाखेचे पोलीस निरिक्षक संजय ननवरे यांच्याहस्ते परत करण्यात आला. प्रवासाने ऍटो चालकाचे धन्यवाद व्यक्त केले आहे.
आज दि.1 डिसेंबर रोजी टायगर ऍटो रिक्षा संघटनेचे सदस्य असलेल्या रिक्षा चालक विजय भिसे यांच्या ऍटो क्रमांक एम.एच.26 एन.3435 या रिक्षामध्ये उमरदरी ता.मुखेड येथील प्रवासी अशोक कचरू रोडगे यांनी प्रवास केला. प्रवास संपल्यावर ते आपला मोबाईल ऍटोतच विसरले होते. टायगर ऍटो रिक्षा संघटनचे अध्यक्ष अहेमद (बाबा), सदस्य मुखीद पठाण, मोहम्मद साबेर यांनी ऍटो रिक्षा चालक कचरू भिसे यांना सोबत नेऊन ऍटो विसरलेला हा मोबाईल वाहतुक शाखेचे पोलीस निरिक्षक संजय ननवरे आणि पोलीस अंमलदार राजू पांगरीकर यांच्यासमक्ष प्रवासी अशोक कचरू रोडगे यांना परत केला. प्रवासी रोडगे यांनी ऍटो चालक भिसे यांचे धन्यवाद व्यक्त केले आहे.
ऍटोत विसरलेला 12 हजारांचा मोबाईल प्रवाशाला परत
