नांदेड(प्रतिनिधी)-शहरात अनेक जलकुंभांमध्ये दि.23 आणि 24 जानेवारी रोजी पाणी पुरवठा दोन दिवस उशीरा करण्यात येईल अशी माहिती नांदेड वाघाळा शहर महानगरपालिकेने नागरिकांसाठी जाहीर केली आहे.
शहरातील काबरानगर भागातील जलशुध्दीकरण केंद्रात नवीन पंप बसविणे आणि मुख्य जलवाहिनी मध्ये होणारी मोठ्या प्रमाणातील पाण्याची गळती दुरूस्त करण्यासाठी नियोजित केलेले 19 आणि 20 जानेवारी रोजीचे काम आता बदलून 23 आणि 24 जानेवारी रोजी होणार आहे. त्यामुळे काबरानगर जलशुध्दीकरण केंद्रावरून पुढील जलकुंभांना होणारा पाणी पुरवठा दोन दिवस उशीराने केला जाणार आहे. या जलकुंभांमध्ये डॉ.आंबेडकरनगर नगर, रामनगर, गोकुळनगर, लेबर कॉलनी, नाना-नानी पार्क, नंदीग्राम सोसायटी, यात्रीनिवास, हैदरबाग, बोंढार, स्ट्रेचिंग ग्राऊंड आणि शक्तीनगर येथील जलकुंभांचा समावेश आहे. या सर्व जलकुंभांवरून होणारा पाणी पुरवठा दोन दिवस उशीराने होणार आहे. म्हणजेच 23 आणि 24 जानेवारी रोजी या सर्व जलकुंभावरून होणारा पाणी पुरवठा बंद राहणार आहे. नागरीकांनी पाण्याचा वापर काटकसरीने करावा असे आवाहन मनपाने केले आहे.
