नांदेड(प्रतिनिधी)-काल दि.28 जानेवारी रोजी नांदेड येथून प्रवासी घेवून बीडकडे जाणाऱ्या राज्य परिवहन महामंडळाच्या एस.टी.बसमध्ये गाडीच्या चालकाला सापडलेले 7 लाख रुपये त्याने संबंधीत प्रवाशाला परत करून आज सुध्दा या जगात इमानदारी जिवंत आहे हे दाखवून दिले.
काल दि.28 जानेवारी रोजी बीड आगाराचे चालक सय्यद मोसीन हे बीड येथून एस.टी.गाडी घेवून नांदेडला आले होते. नांदेड येथून परत बीडकडे जात असतांना त्यांच्या गाडीत प्रवास करणाऱ्या एका प्रवाश्याचे 7 लाख रुपये त्यांना सापडले. पैसे सापडल्यानंतर माणुसकी डोलत असते. परंतू सय्यद मोसीन यांनी आपल्या माणुसकीला डोलू न देण्यासाठी भरकस प्रयत्न केले आणि त्या प्रवाशाला शोधून, योग्य ओळख पटवून 7 लाख रुपये रक्कम त्यांना परत केली. नायगाव मयुर ता.पाटोदा जि.बीड येथील रहिवासी आहेत. आपले काम करतांना आपल्या समोर आलेल्या परिस्थितीला कशा पध्दतीने नियंत्रीत ठेवायचे याचे उत्तम उदाहरण म्हणून एस.टी.चे चालक सय्यद मोसीन यांच्याकडे पाहता येईल. प्रवाशाने रक्कम दिल्यानंतर सय्यद मोसीन यांना दिलेले धन्यवाद शब्दात वर्णन करण्याइतके छोटे नाहीत.
