नांदेड(प्रतिनिधी)-नांदेड जिल्हा क्रीडा संकुल येथे दि. 6 ते 9 फेब्रुवारी 2023 दरम्यान आयोजित 67 व्या महाराष्ट्र राज्य बॉल बॅडमिंटन चम्पियनशिप 2023 या स्पर्धेचे बक्षीस वितरण 9 फेब्रुवारी रोजी ईतवारा पोलीस स्टेशनचे पोलीस निरीक्षक पोलीस निरीक्षक भगवान धबडगे, सय्यद मोईन, राज्य संघटनेचे अध्यक्ष डॉ.पि.के .पटेल, महासचिव अतुल इंगळे, डी.एस गोसावी यांच्या प्रमुख उपस्थितीत संपन्न झाला. या स्पर्धेत मुलांमध्ये अमरावती आणि मुलींमध्ये पुणे महानगर विजयी झाले आहेत.
तीन दिवसापासून अतिशय उत्साहाने संपन्न झालेल्या या भव्य दिव्य राज्यस्तरीय स्पर्धेच्या मुलांच्या अंतिम सामन्यात अमरावती जिल्हा संघाने पुणे महानगर संघाला नमवित आणि मुलींच्या अटितटीच्या सामन्यात पुणे महानगरच्या मुलींच्या संघाने वर्धा संघाला नमवित राज्यस्तरीय स्पर्धेचे अजिंक्यपद प्राप्त केले. या स्पर्धेत महाराष्ट्रातील 32 जिल्ह्यातून जवळपास 300 मुली, 300 मुले व 100 पंच,प्रशिक्षक व पदधिकारी सहभागी झाले होते.मुलांमध्ये अनुक्रमे पुणे महानगर, हिंगोली व पुणे हे तृतीय ठरले. तसेच मुलींमध्ये वर्धा द्वितीय , पुणे व भंडारा यांनी तृतीय क्रमांक पटकावला.
राज्य अजिंक्यपद स्पर्धेतमध्ये 32 जिल्ह्यातील एकूण 60 जिल्हा संघांनी सहभाग नोंदविला.आज पर्यॅंत बॉल बॅडमिंटनच्या इतिहासातील संघ सहभागाचा हा विक्रम ठरला. असद स्पोर्ट्स अकॅडमी अहमदपूर जिल्हा लातूर यांच्याद्वारे आयोजित या अजिंक्यपद स्पर्धामध्ये मोईन सय्यद व पोलीस उपनिरीक्षक शेख असद व त्यांचा संपुर्ण खेळाडू व सहकाऱ्यांचा उत्तम नियोजनात सहभाग होता. निवास व्यवस्था, भोजन व्यवस्था उत्कृष्ट प्रदान करण्यात आली. मैदान उत्कृष्ट उपलब्ध करून दिले. आज पर्यंतही राज्य स्पर्धा स्मरणीय राज्य स्पर्धेपैकी एक आहे. या स्पर्धेत संघटनेने शेख असद आणि शेख मोईन यांचे आभार व्यक्त केले.
अतिशय कमी वेळेमध्ये या स्पर्धा आयोजित करण्यात आला होत्या. शेख असद यांनी संघटनेच्या विनंतीस सन्मान करून स्पर्धा आयोजित केला. त्याबाबत संघटना ऋणी असल्याचे डॉ.पटेल व अतुल इंगळे यांनी सांगितले. राज्य संघटनेने अध्यक्ष पी. के. पटेल, कार्याध्यक्ष गोसावी, उपाध्यक्ष डॉ.कवीश्वर, उपाध्यक्ष व निरीक्षक राज्य अजिंक्यपद स्पर्धा भांडारकर, उपाध्यक्ष ऋषिकांत पापडकर, कोषाध्यक्ष विजय पळसकर, सहसचिव डॉ.हरीश काळे , सहसचिव सौगत दत्ता, सहसचिव परेश उपकरे, सदस्य घोलप , सहारे पाटील यांचा मार्गदर्शनात ही स्पर्धा संपन्न झाली. राज्य संघटनेचे हृदय म्हणजे रेफरी बोर्ड सौगत दत्ता (सहसचिव व अध्यक्ष रेफरी बोर्ड) यांचा नेतृत्वात व मनीष इंगोले, संयोजक योगेश काटोके सदस्य यांचा सहकार्यामुळे आणि सर्व नवीन व अनुभवी रेफरी यांचे अथक परिश्रम व उत्साह वेळेला किंमत देत कुठलीही अडचण न दाखवता राज्य अजिंक्यपद स्पर्धा यशस्वी करण्यात सर्वांचा सिंहाचा वाटा आहे. राज्य अजिंक्यपद स्पर्धा यशस्वी करण्यात इम्रान खान, अब्दुल बारी, बाबा शेख, अय्युब सर, अर्शद शेख, अदनान शेख, तानाजी कदम, फैजान शेख, मनिषा सुर्यवंशी , विकास जायभाये व अहमदपूर येथील सर्व खेळाडूंचा सिंहाचा वाटा आहे.
