शिवाजीनगर गुन्हे शोध पथकाने 8 लाख रुपये किंमतीच्या चोरीच्या 12 दुचाकी जप्त केल्या

नांदेड(प्रतिनिधी)-शिवाजीनगर पोलीस ठाण्याच्या गुन्हे शोध पथकाने एका चोरट्याला पकडून त्याच्याकडून चोरीच्या 8 लाख रुपये किंमतीच्या 12 दुचाकी गाड्या जप्त केल्या आहेत.
30 जुलै रोजी पोलीस ठाणे शिवाजीनगर येथे दुचाकी चोरीचा गुन्हा क्रमांक 243/2023 दाखल झाला. शिवाजीनगरच्या गुन्हे शोध पथकाने आपल्या वरिष्ठ अधिकाऱ्यांच्या मार्गदर्शनात माहिती काढून संत कबीरनगर हडको नांदेड येथे राहणारा मनोज दिनकर सदार (36) यास ताब्यात घेतले. त्याला विश्र्वासात घेवून माहिती घेतली असता त्याने नांदेड शहरातील वेगवेगळ्या ठिकाणावरून चोरी केल्या 8 लाख रुपये किंमतीच्या 12 दुचाकी गाड्या पोलीसांना काढून दिल्या आहेत. शिवाजीनगर पोलीसांनी त्या गाड्या जप्त केल्या आहेत.
पोलीस अधिक्षक श्रीकृष्ण कोकाटे, अपर पोलीस अधिक्षक अबिनाशकुमार, पोलीस उपअधिक्षक नांदेड शहर सुरज गुरव यांनी शिवाजीनगरचे पोलीस निरिक्षक मोहन भोसले, गुन्हे शोध पथकाचे प्रमुख मिलिंद सोनकांबळे, पोलीस अंमलदार दिलीप राठोड, रविशंकर बामणे, देवसिंग सिंगल, अजहरोद्दीन, दत्ता वडजे, विष्णु डफडे आदिंचे कौतुक केले आहे.