नांदेड(प्रतिनिधी)-नांदेड जिल्ह्याच्या पोलीस दलाने सीसीटीएनएसच्या प्रणालीच्या कामकाजात राज्यात प्रथम क्रमांक मिळविण्याची आपली परंपरा कायम ठेवत जून 2023 मध्ये सुध्दा प्रथम क्रमांक पटकावला आहे.
सीसीटीएनएस प्रणालीमध्ये पोलीस विभागात होणाऱ्या वेगवेगळ्या 18 कामांची माहिती भरली जाते. राज्यभरातील सर्व जिल्ह्यांमध्ये हे काम अत्यावश्यक काम म्हणून पोलीस दलात मानले गेले. यामध्ये प्रथम खबर, घटनास्थळ पंचनामे, आरोपी अटक, मालमत्ता जप्ती, दोषारोपपत्र, न्यायालयीन निकाल, हरवलेले व्यक्ती, अनोळखी मयत, अ दखल पात्र खबर, गहाळ/बेवारस मालमत्ता, प्रतिबंधक कार्यवाही व इतर नोंदी अशा एकूण वेगवेगळ्या 18 नोंदी होतात. 201 गुन्ह्यांपैकी नांदेड जिल्ह्याने 197 गुण मिळवले आहेत.
या कामगिरीमध्ये नांदेडचे पोलीस अधिक्षक श्रीकृष्ण कोकाटे, सीसीटीएनएस नोडल अधिकारी अपर पोलीस अधिक्षक अबिनाशकुमार, भोकरचे अपर पोलीस अधिक्षक डॉ.के.ए.धरणे यांच्या मार्गदर्शनात सीसीटीएनएस टीममधील पोलीस उपनिरिक्षक रहिम बशीर चौधरी, प्रणिता बाभळे, पोलीस अंमलदार समिर खान पठाण, ओमकार पुरी, माधव येईलवाड यांनी परिश्रम घेवून राज्यात प्रथम क्रमांक मिळविण्यासाठी घेतलेल्या मेहनतीची पोलीस अधिक्षकांनी दखल घेतली आहे.
जून 2023 मध्ये सीसीटीएनएस प्रणालीत राज्यात नांदेड जिल्हा प्रथम
