पोलीस कल्याण निधीत 20 टक्के प्रमाणे निधी का जमा होत नाही

नांदेड(प्रतिनिधी)- पोलीस कल्याण निधी हा पोलीसांच्या सुरक्षेसाठी व त्यांच्या आर्थिक अडचणीच्या काळात हा निधी महत्वाचा ठरत असतो. या निधीत पोलीस विभागातील सर्वच कर्मचारी यात निधी जमा करतात मात्र 20 टक्के या प्रमाणे पोलीस सहकारी पतसंस्थेत निधी जमा होत नसल्याचे निदर्शनास आल्यानंतर पोलीस महासंचालक यांचे वरिष्ठ उपसहायय्क कल्पना लोखंडे यांनी पोलीस निरिक्षक कार्यालयास पत्र पाठवून यांची माहिती देण्यात यावी असे सुचित केले आहे.
पोलीस कल्याण निधी सुधारीत नियमावलीमध्ये नियम क्रमांक 8 (2)(ब) च्या तरतुदीनुसार पोलीस सहकारी पतसंस्थेकडे निव्वळ नफ्याच्या 20 टक्के रक्कम घटक पोलीस कल्याण निधीमध्ये जमा करणे बाबत तरतुद आहे. तथापी पोलीस सहकारी पतसंस्था निव्वळ नफ्याच्या 20 टक्के रक्कम घटक पोलीस कल्याण निधीमध्ये जमा करत नसल्याचे निदर्शनास आले आहे. यामुळे पोलीस महासंचालक कार्यालयाकडून याबाबत आवश्यक ती माहिती मागविण्यात आली आहे. यात पोलीस कल्याण निधी सुधारीत नियमावली नियम क्रमांक 8 (2)े(ब) च्या तरतुदीनुसार पोलीस सहकारी पतसंस्था यांनी निव्वळ नफ्याच्या 20 टक्के रक्कम नियमितपणे घटक पोलीस कल्याण निधीमध्ये जमा करत आहेत का? नसल्यास का?, नफ्याच्या 20 टक्के रक्कम घटक पोलीस कल्याण निधीमध्ये जमा करण्याच्या विरोधात पतसंस्था यांनी न्यायालयात याचिका दाखल केले आहे का? असल्यास न्यायालयीन प्रकरणाची सद्यास्थिती, पोलीस सहकारी पतसंस्था या पोलीस कल्याण निधी सुधारीत नियमावली मधील नियम क्रमांक 8 (2)(ब) च्या तरतुदीनुसार निव्वळ नफ्याच्या 20 टक्के रक्कम घटक पोलीस कल्याण निधीमध्ये भरू शकत नाहीत अशा पतसंस्थेने घटकप्रमुखांकडे अर्ज केला आहे का? या बाबतचे अनेक प्रश्न विचारण्यात आले आहेत. या सर्वांची माहिती पोलीस महासंचालक कार्यालयाने मागितली आहे.