भोकर,(प्रतिनिधी) पोळ्याच्या दिवशी ट्रक भरून कत्तलीसाठी जाणारी गोवंश जनावरे भोकर पोलिसांनी पकडून त्यांच्या मालक आणि गाडी चालकांवर गुन्हा दाखल केला आहे.
ट्रक क्र.एम. एच.४० एन. ७५१७ हा ट्रक भोकर पोलिसांन गुरुवारी सकाळी ४.३० वाजता ११२ या क्रमांकावर कॉल आल्या नंतर त्वरित सोमठाणा ते पाळज जाणाऱ्या रोडवर मौजे देवठाणा शिवारात कत्तलीसाठी गोवंश घेऊन जात असलेला ट्रक पकडला.पोलीस निरीक्षक नानासाहेब उबाळे, पो.उप.नि.विलास आडे, स पो उप निरीक्षक संभाजी देवकांबळे ,जमादार भिमराव जाधव, जमादार नामदेव जाधव ,चंद्रकांत अदिलवाड ,पो कॉ मंगेश क्षिरसागर आदी पोलीस अमंलदारानी हि कार्यवाही केली.या ट्रक मध्ये २२ जनावरे होती.नागरिकांच्या मदतीने जनावरांना ट्रकबाहेर काढण्यात आले जनावरांना चारापाणी करून त्यांना गो शाळेत पाठवले. या प्रकरणी फिर्यादी सहाय्यक पोलीस निरीक्षक संभाजी सोनकांबळे यांच्या फिर्यादीवरून १४ सप्टेंबर २०२३ रोजी आरोपीविरूद्ध गुरन ३२५/२०२३ कलम प्राणी छळ प्रतिबंधक १९६० /११ (१ ) (c) (D ) (f) महाराष्ट्र पशु संवर्धन १९७६ / ५ A ( १ ) (२ ) ९ नुसार गुन्हा दाखल केला असुन पुढील तपास पोलीस निरीक्षक नानासाहेब उबाळे यांच्या मार्गदर्शना खाली पोलीस उप निरीक्षक दिगांबर पाटील करित आहेत
