नांदेड(प्रतिनिधी)-नांदेड जिल्ह्यात गर्दीच्या ठिकाणावरून गायब झालेले 114 मोबाईल किंमत 17 लाख 48 हजार रुपयांचे नांदेड जिल्ह्यातील सायबर पोलीसांनी ट्रॅक करून ते मालकांना परत दिले आहेत.
पोलीसांनी जारी केलेल्या प्रेसनोटनुसार नांदेड जिल्ह्यातील विविध आठवडी बाजार अनेक गर्दीची ठिकाणी येथून जनतेचे अनेक महागडे मोबाईल मिसिंग झाले होते. त्याचा सायबर विभागाने तांत्रिक दृष्टा माहिती काढून 114 मोबाईल किंमत 17 लाख 48 हजार रुपयांचे गायब झालेले मोबाईल मिळवले आहेत. ते मोबाईल पोलीस अधिक्षक श्रीकृष्ण कोकाटे यांच्या हस्ते मालकांना परत देण्यात आले आहेत. नांदेड जिल्हा पोलीस दलाने जनतेला आवाहन केले आहे की, त्यांनी प्राप्त केलेल्या 114 मोबाईलचे आयएमईआय क्रमांक नांदेड पोलीसांच्या नांदेड पोलीस या फेसबुक पेजवर आणि ट्विटरवर टाकले आहेत. आपला आयएमईआय नंबर ओळखून जनतेने ते मोबाईल सायबर विभागाशी संपर्क साधून घेवून जावे .
ही कार्यवाही करणाऱ्या पोलीस पथकाचे पोलीस अधिक्षक श्रीकृष्ण कोकाटे, अपर पोलीस अधिक्षक अबिनाशकुमार, डॉ.खंडेराय धरणे, पोलीस उपअधिक्षक डॉ.अश्र्विनी जगताप यांनी पोलीस निरिक्षक द्वारकादास चिखलीकर, सायबर विभागातील पोलीस उपनिरिक्षक जी.व्ही.दळवी, पोलीस अंमलदार सुरेंद्र वाघमारे, राजेंद्र सिटीकर, दिपक ओढणे, दावीद पिळगे, मोहम्मद आसीफ, व्यंकटेश सांगळे यांचे कौतुक केल ेआहे.
बातमीसोबत जनतेच्या सोयीसाठी आयएमईआय क्रमांकाची यादी जोडली आहे.
