पत्रकाराच्या खूनाचा गुन्हा 38 दिवसात उघड; स्थागुशाची कार्यवाही

नांदेड (प्रतिनिधी)-दि. 14 ऑक्टोबर 2023 रोजी रात्री 10.19 ते 10.41 वाजेच्या सुमारास किनवट येथील सामाजीक कार्यकर्ता तथा पत्रकार सुरेश दत्तात्रय मस्के (वय 50) रा. हमालकॉलनी किनवट हे त्यांचे राहते घरुन पत्नीला दवाखाण्यातून आणण्यासाठी माहेर हॉस्पीटल कडे जात असतांना हमालकॉलनी जवळील मजीदजवळ कोणीतरी अज्ञात मारेकऱ्याने अज्ञात कारणासाठी अज्ञात हत्याराने डोक्यात जबर मारहाण करुन खुन केला होता, त्यावरुन त्यांची पत्नी स्नेहा सुरेश मस्के यांचे फिर्याद वरुन पो.स्टे. किनवट येथे गुन्हा क्रमांक 245/2023 कलम 302 प्रमाणे गुन्हा दाखल झाला होता.
हा गुन्हा घडुन एक महीन्यापेक्षा जास्त कालावधी झाला तरी या गुन्हयाचा काही एक उलगडा होत नसल्यामुळे पोलीस अधिक्षक श्रीकृष्ण कोकाटे यांनी स्थानिक गुन्हा शाखेतील पोलीस उपनिरिक्षक दत्तात्रय काळे याच्या टिमला दि. 16 नोव्हेंबर 2023 रोजी आदेश दिले होते.
या पथकाने पोलीस स्टेशन किनवट येथे जावुन सतत सहा दिवस कॅम्प करुन व किनवट येथील पोलीस अधिकारी व अंमलदार यांचे मदतीने या गुन्हयाचा बारकाईने सखोल तपास चालु केला. त्यात साक्षीदार, घटनास्थळा शेजारील साक्षीदार, तांत्रीक मदत, किनवट शहरात गोपनीय माहीतगार, मयताचे सदर भागात असलले भांडणाचे कारण असे वेगवेळया पध्दीतीने बौध्दीक कौशल्य वापरुन खुनातील अज्ञात आरोपीचा सतत शोध केला.
दि.21 नोव्हेंबर 2023 रोजी पथकीतल अधिकारी व अंमलदार यांना मिळालेल्या गोपनीय माहीतीनुसार इसम नामे शेख रिहान पि. शेख रहीम (20) व्यवसाय मजुरी रा. हमलाकॉलनी किनवट यास ताब्यात घेवुन त्यास विचारपुस केली असता त्यांने व त्याचे दोन साधादार यांनी मिळुन यातील मयत सुरेश मस्के हा शेख रिहान याचे वडीलांसोबत भांडणे करुन वडीलावर खोटी केस करण्यास लावले होते तसेच खोटे गुन्हे दाखल करण्याची धमकी देत होता. तसेच कॉलनी मध्ये दादागीरीमध्ये वावरत होता त्यावरुन त्याने व त्याचे पाहुण्याचे मुलगा शेख आवेज ऊर्फ अबु पि. शेख शादुल्ला (22) व शेख अशपाक शेख हसन (20) दोघे रा. हमालकॉलनी किनवट अशांनी मिळुन त्यास मारण्याचा कॉलनीचे शेजारी असलेली विहीरी जवळ बसुन कट रचला होता. त्याचा खुन करण्यासाठी त्याचे मागावर ते घटनेच्या आठ दिवसापुर्वी पासुन मयताचे मागावर होतो असे आरोपींनी सांगीतले व दि. 14 ऑक्टोबर 2023 रोजी रोजी रात्रीला सुरेश मस्के याचा खुन केल्याचे सांगितले.त्यामुळे या तिघांना स्थानिक गुन्हा शाखेच्या पथकाने ताब्यात घेतले व पुढील तपासासाठी किनवट पोलीसांच्या ताब्यात दिले.
या कामगिरीबद्दल पोलीस अधिक्षक श्रीकृष्ण कोकाटे, अपर पोलीस अधिक्षक अविनाशकुमार,डॉ. खंडेराय धरणे, किनवटचे पोलीस उपअधिक्षक रामकृष्ण मळघने यांनी स्थानिक गुन्हा शाखेचे पोलीस निरिक्षक उदय खंडेराय, किनवटचे पोलीस निरीक्षक बी. जी. कन्हाळे, पोलीस उपनिरिक्षक दत्तात्रय काळे, पोलीस अंमलदार गंगाधर कदम, संजीव जिंकलवाड, शेख कलीम व किनवटे पोलीस उपनिरिक्षक सागर झाडे, पोलीस अंमलदार गजानन डुकरे, महीला पोलीस अंमलदार वर्षा ध्रुर्वे यांचे कौतुक केले आहे.