नांदेड(प्रतिनिधी)–दि.6 नोव्हेंबर 2023 रोजी सराफा भागात झालेल्या सागर यादव या युवकाच्या खून प्रकरणातील स्थानिक गुन्हा शाखेने पकडलेल्या तीन आरोपींना प्रथमवर्ग न्यायदंडाधिकारी पी.एस.जाधव यांनी 8 जानेवारी 2024 पर्यंत पोलीस कोठडीत पाठविले आहे.
स्थानिक गुन्हा शाखेने चिंबळी ता.खेड जि.पुणे येथून सागर यादवचा खून करणाऱ्या आकाश गोविंदराव लुळे (21) रा.तानाजीनगर नांदेड, दिपक अर्जुन पवार(21) रा.शिवनगर नांदेड आणि पप्पु शेषराव गजलवाड(20) रा.गोपाळनगर नांदेड या तिघांना पकडूण आणले होते. या तिघांपैकी प्रत्येकाचा त्या खूनातील सहभाग स्पष्टपणे त्या सीसीटीव्ही कॅमेरा फुटेजमध्ये दिसतो. आता या प्रकरणातील अटक आरोपींची संख्या 32 झाली असून या 32 मध्ये 8 आरोपी विधीसंघर्षग्रस्त बालक आहेत. या गुन्ह्यात पुढे मकोका कायद्याप्रमाणे कार्यवाही होण्याची शक्यता सुध्दा वर्तविली जात आहे.
आज पोलीस निरिक्षक संतोष तांबे, पोलीस उपनिरिक्षक रमेश गायकवाड, पोलीस अंमलदार आर.के. हुमणाबादे, टी.एस.तेलंग, माने आदींनी पकडलेल्या तिघांना न्यायालयात हजर केल्यानंतर न्यायालयाने या तिघांना 8 जानेवारी 2024 पर्यंत पोलीस कोठडीत पाठविले आहे.
संबंधीत बातमी…
https://vastavnewslive.com/2024/01/01/सागर-यादव-खून-प्रकरणात-ती/
