घरफोडले, जनावर चोरी आणि महिलेचे दागिणे लंपास

नांदेड(प्रतिनिधी)-सम्राटनगर भागात एक घरफोडून चोरट्यांनी 2 लाख 82 हजार 500 रुपयांचा ऐवज चोरून नेला आहे. मारतळा ता.लोहा येथे 70 हजार रुपये किंमतीचे दोन बैल चोरीला गेले आहेत. नरसी बसस्थानकात बसमध्ये प्रवेश करणाऱ्या एका महिलेचे दागिणे व रोख रक्कम असा 45 हजार रुपयांचा ऐवज चोरट्यांनी लांबवला आहे.
सुरेंद्र धनाजीराव घोडजकर यांनी दिलेल्या तक्रारीनुसार 31 डिसेंबर रोजी दुपारी ते सम्राटनगर येथील आपल्या घराला कुलूप लावून आपल्या नातेवाईकाच्या मुलाच्या लग्नासाठी छत्रपती संभाजीनगर येथे गेले होते. 5 जानेवारी रोजी ते परत आल्यावर त्यांच्या घराचा कडीकोंडा तोडून चोरट्यांनी त्यांच्या घरातील सोन्या-चांदीचे दागिणे, मुर्त्या आणि रोख रक्कम असा एकूण 2 लाख 82 हजार 500 रुपयांचा ऐवज चोरून नेलेला आहे. शिवाजीनगर पोलीसांनी हा गुन्हा दाखल केला असून सहाय्यक पोलीस निरिक्षक माने अधिक तपास करीत आहेत.
उध्दव प्रल्हाद ढेपे यांच्या तक्रारीनुसार 6 जानेवारी रोजी मौजे मारतळा येथील त्यंाच्या शेताच्या आखाड्यावर बांधलेले 70 हजार रुपये किंमतीचे दोन बैल कोणी तरी चोरले आहेत. उस्माननगर पोलीसांनी हा गुन्हा दाखल केला असून पोलीस अंमलदार महाबळे अधिक तपास करीत आहेत.
जयश्री सुर्यकांत मोळे या महिला 6 जानेवारी रोजी दुपारी 12 वाजता नरसी बसस्थानकातून बसमध्ये प्रवेश करत असतांना त्यांचे 7 ग्रॅम व 3 ग्रॅम वजनाचे सोन्याचे लॉकेट व 5 हजार रुपये रोख रक्कम असा 45 हजारांचा ऐवज त्यांच्या बॅगमधून चोरट्यांनी लांबवला आहे. रामतिर्थ पोलीसांनी हा गुन्हा दाखल केला असून पोलीस उपनिरिक्षक नरवाडे अधिक तपास करीत आहेत.