दिवंगत भीमराव पुनवटकर कुटुंबाला केली सांत्वनपर आर्थिक मदत
नांदेड(प्रतिनिधी) – रिपब्लिकन पक्षाचे ज्येष्ठ कार्यकर्ते दिवंगत भीमराव पुनवटकर यांच्या नांदेड जिल्ह्यातील माहूरगड मधील आष्टा या गावातील निवासस्थानी रिपब्लिकन पक्षाचे राष्ट्रीय अध्यक्ष केंद्रीय सामाजिक न्याय राज्यमंत्री ना.रामदास आठवले यांनी आज सकाळी भेट देऊन त्यांच्या कुटुंबियांची सांत्वनपर भेट दिली. यावेळी रिपाइं तर्फे दिवंगत भीमराव पुनवटकर यांच्या कुटुंबाला 1 लाख रुपयांची सांत्वनपर मदत ना.रामदास आठवले यांच्या हस्ते करण्यात आली. यावेळी दिवंगत भीमराव पुनवटकर यांच्या पत्नीला समाज कल्याण विभागाच्या आश्रमशाळेत नोकरी मिळवून देण्याचा आणि त्यांच्या मुलीच्या शिक्षण नोकरी साठीही मदत करण्याचे आश्वासन ना.रामदास आठवले यांनी दिले. यावेळी रिपाइं चे राज्य संघटक विजय सोनवणे, पश्चिम विदर्भ अध्यक्ष मोहन भोयर, यवतमाळ जिल्हा अध्यक्ष महेंद्र मानकर, मराठवाडा उपाध्यक्ष कुंदन लाटे, नांदेड महानगरजिल्हाध्यक्ष धम्मपाल धुताडे , नांदेड जिल्हाकार्याध्यक्ष सचिन सांगवीकर, किनवट तालुकाध्यक्ष विवेक ओंकार, ज्येष्ठ नेते दिगंबर वाघमारे,विजय खरे, शेख रफीक,आदी अनेक रिपाइं चे पदाधिकारी उपस्थित होते.
दिवंगत भीमराव पुनवटकर हे भारतीय दलित पँथर पासून आंबेडकरी चळवळीत ना.रामदास आठवले यांच्या नेतृत्वावर अतूट विश्वास ठेऊन ते काम करीत होते. रिपाइंचे अनेक वर्षे माहुरगड तालुका अध्यक्ष आणि नंतर नांदेड जिल्हा उपाध्यक्ष म्हणून भीमराव पुनवटकर यांनी काम केले. त्यांच्या माहुरगड तालुक्यातील आष्ठा या गावी ना.रामदास आठवले यांनी छत्रपती संभाजी नगर ; वाशीम अकोला पुसद यवतमाळ मार्गे माहुरगड मधील आष्ठा या गावातील दिवंगत भीमराव पुनवटकर यांच्या निवासस्थानी सांत्वनपर भेट दिली. यावेळी आष्टा गावातील ग्राम पंचायतीला भेट देऊन गावातील विविध प्रश्न सोडविण्याचे आश्वासन ना.रामदास आठवले यांनी दिले.
