इतवारा पोलीसांनी एका युवकाकडून गावठी पिस्तुल पकडले

नांदेड(प्रतिनिधी)-इतवारा पोलीसांनी एका 23 वर्षीय युवकाकडून एक गावठी पिस्तुल जप्त केली आहे. पिस्तुल सापडण्याचे प्रकार शहरात वाढलेच आहेत.
6 फेबु्रवारी रोजी माळटेकडी ते देगलूर नाका जाणाऱ्या रस्त्यालगत असलेल्या खुबा मस्जिद रस्त्यावर एका युवकाकडे गावठी पिस्तुल असल्याची माहिती मिळाल्यानंतर इतवारा पोलीस पथकाने आपल्या वरिष्ठ अधिकाऱ्यांची परवानगी घेवून त्या युवकाला ताब्यात घेतले. पंचासमक्ष त्याची झडती घेतली असता त्याच्या जवळ एक गावठी कट्टा, पिस्तुल सापडले. इतवारा पोलीसांनी पकडलेला व्यक्ती नोमान खान इब्राहिम खान (23) रा.खुबा मस्जिदजवळ देगलूर नाका नांदेड याच्या विरुध्द भारतीय हत्यार कायदा 3/25 नुसार गुन्हा दाखल केला आहे. पोलीस अधिक्षक श्रीकृष्ण कोकाटे, अपर पोलीस अधिक्षक अबिनाशकुमार, डॉ.खंडेराय धरणे, इतवाराचे पोलीस उपअधिक्षक सुशिलकुमार नायक यांनी इतवाराचे पोलीस निरिक्षक संतोष तांबे, पोलीस उपनिरिक्षक शेख आयुब, रमेश गायकवाड, पोलीस अंमलदार शेख वाजीद, धीरजकुमार कोमुलवार, सुमेध पुंडगे, मारोती गिते आदींचे कौतुक केले आहे.