नांदेड(प्रतिनिधी)-माझ्या अंगणात का थुंकलास या कारणासाठी लहान भावाने मोठ्या भावाच्या छातीवर खंजीरने वार करून त्याचा खून केला आहे ही घटना शिवरायनगर भागात आज सकाळी 8 वाजता घडली.
शिवरायनगर भागात सतिश बळीराम तुपसमिंदर आणि त्यांचे लहान बंधू एकनाथ बळीराम तुपसमिंदर हे एक दुसऱ्याच्या शेजारी राहतात. आज सकाळी सतिश तुपसमिंदरने माझ्या अंगणात का थुंकले यावरून छोटा भाऊ एकनाथने वाद घातला. वादाच्या परिणामात एकनाथ तुपसमिंदरने चाकूचे दोन घाव सतिश तुपसमिंदरच्या छातीत मारले. जखमी झालेल्या सतिशला शेजाऱ्यांनी शासकीय रुग्णालयात नेले पण दुर्देवाने दवाखान्यात पोहचण्याअगोदरच त्यांचा मृत्यू झाला होता.
घटनेची माहिती मिळताच भाग्यनगरचे पोलीस निरिक्षक सुधाकर आडे, त्यांचे अनेक सहकारी, स्थानिक गुन्हा शाखेचे पोलीस निरिक्षक द्वारकादास चिखलीकर हे घटनास्थळी पोहचले. मारेकरी एकनाथ बळीराम तुपसमिंदर (35) यास भाग्यनगर पोलीसांनी ताब्यात घेतले आहे. इतर आवश्यक कायदेशीर कार्यवाही सुरू आहे.
