नांदेड (प्रतिनिधी)- स्वातंत्र्याच्या अमृत महोत्सवानिमित्त जिल्हाधिकारी डॉ. विपीन इटनकर यांच्या पुढाकाराने नांदेड वाघाळा महानगरपालिका क्षेत्रातील अस्थिव्यंग, दिव्यांग व्यक्तींसाठी 10 ऑगस्ट 2022 पर्यंत जिल्हा रुग्णालय वजिराबाद येथे आरोग्य तपासणी शिबिराचे आयोजन करण्यात आले आहे.
आरोग्य तपासणी शिबिरात ज्या अस्थिव्यंग व दिव्यांग व्यक्तींनी प्रमाणपत्रासाठी ऑनलाईन नोंदणी केली असेल त्यांना दर सोमवार व मंगळवारी सकाळी 9 ते सायं. 5 वाजेपर्यंत प्रमाणपत्राचे वाटप करण्यात येईल. यामुळे जास्तीत-जास्त व्यक्तींनी या आरोग्य तपासणी शिबिराचा लाभ घ्यावा, असे आवाहन जिल्हा शल्यचिकित्सक डॉ. निळकंठ भोसीकर यांनी केले आहे.
