पोलीस अंमलदाराने जिंकले सुवर्ण पदक

नांदेड(प्रतिनिधी)-नांदेड जिल्हा पोलीस दलातील पोलीस अंमलदाराने पहिल्या नॅशनल इंडियाका कप स्पर्धेत सुवर्ण पदक पटकावले आहे. या स्पर्धेत देशभरातून 250 स्पर्धक सहभागी झाले होते.
नांदेड येथील पोलीस अंमलदार विनोद खंडूजी भंडारे यांनी 6 जानेवारी ते 8 जानेवारी 2023 दरम्यान श्री.गुरू गोविंदसिंघजी क्रिडा संकुलाच्या इनडोअर हॉलमध्ये झालेल्या पहिल्या नॅशनल इंडियाका कप स्पर्धेत सहभाग घेतला. या स्पर्धेत उत्तरप्रदेश, केरळ, छत्तीसगड, महाराष्ट्र, जम्मू काश्मिर आदी राज्यातून 250 स्पर्धकांनी भाग घेतला होता. यात विनोद भंडारे यांनी सुवर्ण पदक प्राप्त केले. विनोद भंडारेच्या यशासाठी पोलीस अधिक्षक श्रीकृष्ण कोकाटे, अपर पोलीस अधिक्षक अबिनाश कुमार, डॉ.खंडेराव धरणे, पोलीस निरिक्षक द्वारकादास चिखलीकर आदींसह अनेक पोलीस अधिकारी आणि पोलीस अंमलदारांनी अभिनंदन केले आहे. वास्तव न्युज लाईव्हच्यावतीने सुध्दा पोलीस अंमलदार विनोद भंडरे यांचे अभिनंदन.