नांदेड(प्रतिनिधी)-नांदेड जिल्हा पोलीस दलाच्या तीन पोलीस अंमलदारांनी राज्यस्तरीय जलतरण स्पर्धेत मिळवलेल्या यशाबद्दल पोलीस अधिक्षक श्रीकृष्ण कोकाटे यांनी तिघांचा सन्मान केला.
कोल्हापूर येथे आयोजित 24 व्या राज्यस्तरीय मास्टर्स जलतरण स्पर्धेत नांदेड येथील पोलीस अंमलदार जयप्रकाश मोतीराम क्षीरसागर, रामेश्र्वर राजकुमार जाधव व पवन मारोती चौदंते या तिघांनी मिळून 10 पदके पटकावली. या स्पर्धा कोल्हापूर येथे 1 आणि 2 ऑक्टोबर रोजी झाल्या होत्या. या स्पर्धेत महाराष्ट्रातील अनेक जिल्ह्यातून स्पर्धक आले होते. त्यात नांदेड पोलीस विभागातील तीन पोलीस अंमलदार सहभागी झाले होते. जयप्रकाश क्षीरसागर यांनी 50 मिटर फ्री स्टाईल सुवर्ण पदक, 200 मिटर वैयक्तीक मिडलेरिले सुवर्ण पदक, 200 मिटर सांघीक मिडलेरिले सुवर्ण पदक आणि 50 मिटर बटरफ्लाय रजत पदक असे एकूण 3 सुवर्ण एक रजत पदक प्राप्त केले. रामेश्र्वर जाधव यांनी 100 मिटर ब्रेस्ट स्ट्रोक प्रकारात सुवर्ण पदक, 50 मिटर ब्रेस्ट स्ट्रोक प्रकारात रजत पदक आणि 200 मिटर सांगीक मिडलेरिले प्रकारात कास्य पदक असे एकूण 3 पदक प्राप्त केले. पवन चौदंते यांनी 50 मिटर बॅक स्ट्रोक सुवर्ण पदक, 50 मिटर ब्रेस्ट स्ट्रोक रजत पदक व 200 मिटर सांगीक मिडलेरिले प्रकारात कास्य पदक पटकावले.
या यशाबद्दल नांदेडचे पोलीस अधिक्षक श्रीकृष्ण कोकाटे, अपर पोलीस अधिक्षक अबिनाशकुमार, पोलीस उपअधिक्षक (गृह) डॉ.अश्र्विनी जगताप, राखीव पोलीस निरिक्षक विजय धोंडगे आणि इतर अधिकारी व पोलीस अंमलदारांनी जलतरण स्पर्धेत नांदेड जिल्हा पोलीस दलाचे नाव उंच करणाऱ्या पोलीस अंमलदारांचा सन्मान केला.
