नांदेड (जिमाका)- महाराष्ट्र राज्य इतर मागासवर्गीय वित्त आणि विकास महामंडळाअंतर्गत राज्यातील गुरव व विरशैव लिंगायत समाजाच्या सर्वागिण विकास व आर्थिक उन्नतीसाठी जगदज्योती महात्मा बसवेश्वर आर्थिक विकास महामंडळ व संत काशिबा गुरव युवा आर्थिक विकास महामंडळाची स्थापना शासनाने केली आहे. या महामंडळाचे कामकाज हे महाराष्ट्र राज्य इतर मागासवर्गीय वित्त आणि विकास महामंडळाअंतर्गत कार्यान्वित करण्यात आले आहे. तरी या महामंडळाच्या योजनेचा लाभ गुरव व विरशैव लिंगायत समाजाच्या लोकांनी घ्यावा, असे आवाहन महामंडळाचे जिल्हा व्यवस्थापक एस.एन. झुंजारे यांनी केले आहे.
अधिक माहितीसाठी महामंडळाचे जिल्हा कार्यालय डॉ. बाबासाहेब आंबेडकर सामाजिक न्याय भवन, ज्ञानमाता शाळेसमोर नांदेड – 413 605 तसेच कार्यालयाचा दूरध्वनी क्र. 02462-220865 यांच्याशी संपर्क साधावा, असे महामंडळाच्यावतीने कळविण्यात आले आहे.
