▪️जिल्हाधिकारी अभिजीत राऊत यांना वाढदिवसानिमित्त दिल्या शुभेच्छा !
नांदेड (जिमाका) :- राज्याचे मुख्यमंत्री एकनाथ शिंदे, राज्याचे मृद व जलसंधारण मंत्री तथा यवतमाळ जिल्ह्याचे पालकमंत्री संजय राठोड यांचे नांदेड विमानतळावर आगमन झाले. यावेळी आमदार बालाजी कल्याणकर, विशेष पोलीस महानिरीक्षक शशिकांत महावरकर, जिल्हाधिकारी अभिजीत राऊत, जिल्हा पोलीस अधीक्षक श्रीकृष्ण कोकाटे, मनपा आयुक्त डॉ. महेशकुमार डोईफोडे, अप्पर जिल्हाधिकारी पांडुरंग बोरगावकर आदी मान्यवरांनी त्यांचे स्वागत केले.
जिल्हाधिकारी अभिजीत राऊत यांचा आज वाढदिवस असल्याचे समजताच त्यांनी या स्वागता पाठोपाठ अभिजीत राऊत यांना शुभेच्छाही दिल्या. आपल्या स्वागतापलीकडे असलेल्या राजशिष्टाचाराला बाजुला सारून त्यांनी वेळेवर समयसूचकता घेऊन जिल्हाधिकाऱ्यांना दिलेल्या शुभेच्छा या त्यांच्यातील सहृदयी मनाच्या प्रतिक ठरल्या.
नियोजनाप्रमाणे यवतमाळ जिल्ह्यातील पोफाळी व हिंगोली जिल्ह्यातील आखाडा बाळापूर येथील कार्यक्रम आटोपून त्यांनी नांदेड येथून मुंबईकडे प्रयाण केले.
