नांदेड(प्रतिनिधी)-लोहपुरूष सरदार वल्लभभाई पटेल यांची जयंती आणि माजी प्रधानमंत्री इंदिरा गांधी यांची पुण्यतिथी पोलीस अधिक्षक कार्यालयात साजरी करतांना पोलीस निरिक्षक द्वारकादास चिखलीकर यांनी राष्ट्रीय एकता दिनानिमित्त उपस्थितांना शपथ दिली.
आज लोहपुरूष सरदार वल्लभभाई पटेल यांची जयंती आणि माजी पंतप्रधान इंदिरा गांधी यांची पुण्यतिथी या दिवसाला राष्ट्रीय एकता दिन म्हणून साजरा करण्याची पध्दत आहे. पोलीस अधिक्षक प्रमोदकुमार शेवाळे यांच्या मार्गदर्शनात पोलीस उपअधिक्षक (गृह) विकास तोटावार, स्थानिक गुन्हा शाखेचे पोलीस निरिक्षक द्वारकादास चिखलीकर, जनसंपर्क अधिकारी शिवाजी लष्करे, यांनी मान्यवर सरदार वल्लभभाई पटेल आणि इंदिरा गांधी यांच्या प्रतिमांना पुष्पहार अर्पण करून अभिवादन केले. पोलीस अधिक्षक कार्यालयातील सर्व शाखांचे अधिकारी, पोलीस अंमलदार मंत्रालयीन कर्मचारी उपस्थित होते. नियंत्रण कक्षातील सहाय्यक पोलीस निरिक्षक आरचेवार, पोलीस उपनिरिक्षक बोईनवाड, राखीव पोलीस निरिक्षक काशिनाथ बोरकर यांच्यासह जनसंपर्क विभागातील पोलीस अंमलदार सुर्यभान कागणे, विनोद भंडारे यांची उपस्थिती होती. अभिवादनानंतर पोलीस निरिक्षक द्वारकादास चिखलीकर यांनी पोलीस उपस्थितांना राष्ट्रीय एकतेची शपथ दिली.
