नांदेड (प्रतिनिधी) – प्रादेशिक परिवहन कार्यालयाच्यावतीने 4 मे 2022 पासून स्कूल बस संवर्गातील वाहनांच्या योग्यता प्रमाणपत्र नुतनीकरण तपासणीसाठी विशेष ऑनलाईन अपॉइंटमेंट कोटा सुरु करण्यात येणार आहे. ज्या स्कूल बस चालक-मालकांना ऑनलाईन अपॉईंमेंट मिळाले नसल्यास त्यांनी पाच दिवस अगोदर कार्यालयात अर्ज करावा. त्यांना सुट्टीच्या दिवशी त्यांच्या वाहनांचे योग्यता प्रमाणपत्र नूतनीकरणाबाबतची तपासणी करण्यात येईल. स्कूल बस चालक-मालकांनी वाहनाच्या वैध कागदपत्रांसह अपॉईंटमेंट घेतलेल्या दिनांकास योग्यता प्रमाणपत्र नूतनीकरण तपासणीस उपस्थिती रहावे, असे आवाहन उप प्रादेशिक परिवहन अधिकारी यांनी केले आहे.
