राष्ट्रीय एकता दिना निमित्त मंगळवारी एकता दौडीत सहभागी होण्याचे आवाहन

नांदेड (जिमाका) – जिल्हा प्रशासनाच्यावतीने सरदार वल्लभभाई पटेल यांच्या जयंती दिनानिमित्त 31 ऑक्टोंबर 2023 रोजी “राष्ट्रीय एकता दिवस” साजरा करण्याच्या सूचना निर्गमित केल्या आहेत. राष्ट्रीय एकता दिनानिमित्त मंगळवार 31 ऑक्टोंबर 2023 रोजी सकाळी 7.30 वाजता “राष्ट्रीय एकता दौडीचे” आयोजन करण्यात आले आहे. या दौडीची सुरवात महात्मा गांधी यांच्या पुतळयास पुष्पहार अर्पण करुन  महात्मा गांधी पुतळा ते जुना मोंढा टॉवर येथे सरदार वल्लभभाई पटेल यांच्या पुतळयास पुष्पहार अर्पण करुन एकता दिनाची शपथ घेऊन कार्यक्रमाचा समारोप होणार आहे. या राष्ट्रीय एकता दौडीमध्ये नागरिकांनी सहभागी व्हावे, असे आवाहन जिल्हाधिकारी कार्यालयाच्यावतीने करण्यात आले आहे.